Ermənistan yeni müdafiə krediti üçün Rusiyaya müraciət edə bilər.

Xeberle.com-un Yeniavaz.com-a istinadən verdiyi məlumata görə, bunu jurnalistlərə Ermənistanın müdafiə naziri David Tonoyan deyib. O, mümkün danışıqların təfərrüatlarını dəqiqləşdirməyib: "Kreditin həcmi haqqında deyə bilmərəm. Hələlik bu barədə danışıqlar başlamayıb.
Qeyd edək ki, İrəvan daha əvvəl Rusiyadan müasir silah və hərbi texnikanın alınmasına dair iki dəfə kredit alıb. 200 milyon dollar həcmində ilk saziş çərçivəsində tədarüklər başa çatıb. Hazırda ikinci 100 milyonluq saziş çərçivəsində müdafiə məhsullarının istehsal və tədarük prosesi gedir.