Vəzifəsindən gedən Kolumbiya prezidenti Xuan Manuel Santos xalqı qarşısında vida nitqi ilə çıxış edib.

Xeberle.com-un Trend-ə istinadla məlumatına görə, sabiq prezident ümumiyyətlə böyük siyasətdən getdiyini bildirib.

Qeyd edək ki, artıq Kolumbiya prezidenti postunu seçkilərdə qalib gəlmiş İvan Duke tutacaq.
Santos iki dəfə ardıcıl prezident olub, yəni 8 il Kolumbiyanı idarə edib.

O, vida nitqində deyib: "Siyasətdən gedirəm, amma sülh naminə digər sahələrdə fəaliyyətimi davam etdirəcəyəm. Ürəyimdə heç bir düşmənçilik hissi olmadan gedirəm. Qəlbimdə heç kin-küdurət, nifrət yoxdur".
Sabiq prezident Kolumbiyanın yeni seçilmiş prezidentinə də uğurlar arzu edib.