Türkiyə Mərkəzi Bankı və Qətərin Mərkəzi Bankı Dohada valyuta mübadiləsi üzrə ikitərəfli saziş (svop sazişi) imzalayıblar.
Xeberle.com Oxu.Az-a istinadla xəbər verir ki, sənəd Qətərin Türkiyə iqtisadiyyatına 15 milyard dollar yatırması layihəsinin həyata keçirilməsi istiqamətində ilk addımdır.
Sənədi Türkiyə Mərkəzi Bankının sədri Murat Çetinkaya və onun qətərli həmkarı Abdulla bin Saud əl-Tani imzalayıblar.
Sazişin məqsədi ölkələr arasında ticarət əməliyyatları zamanı milli valyutalarda qarşılıqlı hesablaşmaların aparılmasının sadələşdirilməsi, həmçinin maliyyə sabitliyinə dəstəkdir. Bundan başqa, saziş Türkiyənin maliyyə ehtiyatlarının möhkəmlənməsinə yardım edəcək.
Xatırladaq ki, bundan əvvəl Ankarada görüş zamanı Türkiyə prezidenti Rəcəb Tayyib Ərdoğan və Qətər əmiri şeyx Tamim bin Həmad əl-Taniikitərəfli əlaqələri müzakirə etmiş, görüş zamanı qətərli əmir qısa müddətdə Türkiyə iqtisadiyyatına 15 mlrd. dollar birbaşa sərmayə yatıracaqlarını bildirmişdi.
Xəbərdən istifadə edərkən istinad etmək vacibdir.
