1 mart 2008-ci ildə baş vermiş hadisələrlə bağlı açılmış cinayət işi çərçivəsində Ermənistanın ikinci prezidenti Robert Köçəryanın ev və ofisində axtarışlar aparılıb.

Xeberle.com Sfera.az-a istinadla xəbər verir ki, bu barədə Ermənistan Xüsusi İstintaq Xidmətinin mətbuat xidməti məlumat yayıb. Hüquq-mühafizə orqanları istintaq sirrini əsas gətirərək, hadisənin nə zaman baş verməsi haqda dəqiq məlumat verməyiblər.

Xatırladaq ki, Köçəryan iyul ayının sonu həbs olunmuşdu, lakin 13 avqustda Apelyasiya Məhkəməsi onu məhkəmə zalından azadlığa buraxmışdı. O, 2008-ci ildə ölkənin konstitusion quruluşuna qarşı çevriliş cəhdində ittiham olunur.