Futbol üzrə dünya çempionatının ikiqat sahibi Kafu sentyabrın 26-da "Boulevard Hotel”də Xüsusi Olimpiya Hərəkatının dünya üzrə səfiri elan edilməsi ilə bağlı sənədin imzalanması mərasimində iştirak edəcək.
Kafu XOH-nın dünya üzrə yeni səfiri olaraq ictimaiyyətə təqdim ediləcək.
Bunun üçün Bakıda xüsusi imzalanma mərasimi keçiriləcək. Bir gün sonra Gənclər və İdman naziri Azad Rəhimov ilə XOH lideri Devid Evanqelista arasında bəyannamə imzalanacaq.
Qeyd edək ki, Azərbaycan 25 ildir ki, XOH-nın üzvüdür. 1990-cı ildə əsası qoyulan Azərbaycan XOH-nın bu gün müxtəlif yarışlara qatılan 5 minə yaxın idmançısı var.
(oxu.az)
Xəbərdən istifadə edərkən istinad etmək vacibdir.
