Türkiyyənin Adıyaman bölgəsində şiddətli yağıntılar səbəbi ilə meydana gələn sürüşmə nəticəsində bir çox avtomobil torpaq və qayalıqların altında qalıb.
Xeberle.com Türkiyə mediasına istinadla bildirir ki, təxminən 20 dəqiqə davam edən yağıntılaar sürüşməyə səbəb olub. Sürüşmə zamanı kəndin üst hissələrində yerləşən dağlardan qopan qaya parçaları kəndin meydanına düşüb.
Bir çox avtomobil torpaq və qayaların arasında qalıb. Sürüşmədə ölən və yaralananlaar olmasa da böyük ölçüdə maddi zərər meydana gəlib.
Hadisədən sonra bölgə idarəsi komandası hadisə yerinə gələrək çalışmalara başlayıb.
Xəbərdən istifadə edərkən istinad etmək vacibdir.
