Səudiyyə Ərəbistanı Baş Prokurorluğu "Vaşinqton Post” qəzetinin müxbiri Camal Qaşıqçının cinayəti ilə bağlı şok detalları açıqlayıb.
Xeberle.com Publika.az-a istinadən xəbər verir ki, prokurorluq Qaşıqçının cəsədinin parçalanaraq İstanbuldakı baş konsulluqdan çıxarıldığını etiraf edib.
Prokurorluq Qaşıqçının ölümündə boğulmanın və öldürücü dozada verilən dərmanın təsiri olduğunu bildirib. Səudiyyə Ərəbistanı baş prokurorunun verdiyi məlumata görə, cinayətlə bağlı istintaq əməliyyatları davam edir.
Prokurorun açıqlamasına görə, Səudiyyə Ərəbistanı vəliəhd şahzadəsi Məhəmməd ibn Salmanın məsləhətçisi Səud əl Kahtaniyə Camal Qaşıqçını ölkəyə geri qaytarmaq əmri verilib. Ölkəyə geri qaytarılması təmin olunmadıqda isə öldürülüb. Ölüm əmrini İstanbula göndərilən komandanın başçısı verib. Kahtaninin ölkədən çıxışı qadağan edilib.
Qaşıqçının cəsədini cinayətkarlardan təhvil alan cinayət ortaqlarının da görüntüləri əldə edilib. O, İstanbulda yerləşən Səudiyyə Ərəbistanı Baş Konsulluğunda öldürüldükdən sonar binanın xaricinə çıxarılıb və basdırılıb.
Cinayətdə adları çəkilən 11 şübhəlidən 5-nin edam edilməsi tələb olunub.
Xəbərdən istifadə edərkən istinad etmək vacibdir.
