"Ölkəmizə tətbiq edilən sanksiyalar nəticəsində 80 mindən çox layihə yarımçıq qalıb. Bu layihələri həyata keçirmək üçün böyük miqdarda investisiyalara ehtiyac var”.
Xeberle.com publika.az-a istinadən xəbər verir ki, bu sözləri İranın daxili işlər nazirinin köməkçisi Mehdi Camalnejad jurnalistlərə açıqlamasında deyib.
O, özəl sektorun dövlət şirkətlərə görə daha çox uğur qazandığını bildirib. Dövlətin əlində olan layihələrin özəl sektora veriləcəyi halda uğur qazanacaqları vurğulayıb.
M.Camalnejad Zəncan əyalətində yarımçıq qalan layihələrdən danışıb:
"Təkcə bu əyalətdə 1200-dən çox layihə yarımçıq qalıb. Bunların yalnız 63-ü özəl sektora yönləndirilə bilər”.
Qeyd edək ki, İranda ən böyük layihələr silahlı qüvvətlərə aid şirkətlər tərəfindən həyata keçirilir. Ölkənin müdafiə naziri Əmir Hatəmi avqust ayında verdiyi açıqlamada İran ordusu nəzdində nəqliyyat, enerji, inşaat sahəsində xidmət göstərən 130-dan çox şirkətin bağlandığını, layihələrin özəl sektora yönləndirildiyini açıqlamışdı.
Xəbərdən istifadə edərkən istinad etmək vacibdir.
