Türkiyənin Milli Təhsil Nazirliyinin
elektron sistemini sındıraraq qiymətlərini dəyişən şagird saxlanılıb.
Xeberle.com Türkiyə mətbuatına
istinadən xəbər verir ki, 10
–cu sinif şagirdi ölkənin Milli Təhsil
Nazirliyinin elektron qiymətlər
sistemini sındıraraq öz qiymətlərini və
davamiyyət göstəricilərini dəyişib. O, qiymətlərini
20 bal yüksəldib, 59 günlük davamiyyətsizliyini isə 9 günə endirib. Şagirdin qiymətlərini yazan müəllimlər
səhvin özlərində olduğunu düşünərək, sistemi yeniləyərək öncəki vəziyyətinə
qaytarıblar. Daha sonrakı gün yenidən sistemə girib qiymətlərlə oynayan şagirdin
hərəkətləri diqqət çəkib.
Bundan duyuq düşən məktəb direktoru
hüquq-mühafizə orqanlarına müraciət edib.
Aparılan araşdırmalardan sonra şagirdin yaşadığı mənzildən sistemə giriş etdiyi müəyyən olunub.
Bu əməlinə görə, polis 10-cu sinif
şagirdini saxlayıb.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
