Bir müddət bütün dünyanın diqqətini özünə cəlb edən futbol üzrə Dünya Çempionatı artıq arxada qaldı. Gərgin mübarizələrdən sonra Almaniya yığması birinci kürsünün sahibi oldu. Milyonlarla insanın həyəcanına, gərginliyinə, hətta sevincinə və kədərinə hakim kəsilən çempionat siyasi liderlərin marağından da yan keçmədi. Dünyada baş verən siyasi proseslərin gərginliyindən asılı olmayaraq siyasi liderlər oyunları seyr etmək üçün Braziliyaya üz tutdular.

Modern.az saytı həmin məqamların bəzilərini təqdim edir.

Qonşu Ukrayna ilə münasibətlərin gərgin bir durumda olmasına baxmayaraq,  Rusiya Federasiyasının prezidenti çempionatın final oyununa birbaşa stadiondan izləməyə qərar verib. Putin fəxri qonaqlar üçün kürsüdə FİFA-nın prezidenti Yozef  Blatterlə əyləşmişdi. Yəqin ki, 2018-ci ildə Rusiyada keçiriləcək futbol üzrə Dünya Çempionatı ilə bağlı fikir mübadiləsi aparırdılar.

Bu çempionat Braziliya prezidenti Dilma Russeffdə yalnız təəssüf hissləri yaratdı. Braziliya yığmasının “əfsanəvi” məğlubiyyətini xanım siyasətçi utanc hissləri ilə yaşadı.

Almaniya kansleri Angela Merkel okeanın o tayında olmasına baxmayaraq,  özünü ev sahibi kimi rahat və sərbəst hiss edirdi. Sevimli komandasının uğurları ona bir az da məğrurluq gətirdi.

Final oyununun seyrinə qatılan Rusiyanın xarici işlər naziri Sergey Lavrov futboldan daha çox fəxri kürsüdə əyləşən siyasətçiləri seyr etməyə üstünlük verirdi.

İlham Cəmiloğlu