Moskvada Jurnalistlər Evində Ukraynanın şərqində gedən müharibəni əks etdirən fotosərgi açılacaq.

Publika.az “Ria-Novosti”yə istinadən xəbər verir ki, fevral çevrilişindən sonra Ukraynanın cənub-şərq regionları yeni hakimiyyəti qəbul etməyiblər. Aprelin ortalarından başlayaraq bu ərazilərdə hərbi əməliyyatlar başlayıb. Hər iki tərəfdə, o cümlədən mülki əhali arasında xeyli tələfat olub. Münaqişə hələ də davam etməkdədir.

Moskva isə Kiyevdən hərbi əməliyyatları dayandırmağı tələb edir. İyulun 10-da Moskvada Jurnalistlər Evində “Qardaş qırğını” adlı fotosərgi keçiriləcək.

Sərgini ziyarət edənlər Donetsk, Luqansk, Donbasda hər gün baş verənləri əks etdirən dəhşət dolu fotolara baxa biləcəklər.