Rusiya Federasiyası Kommunist partiyasının lideri Gennadi Zuqanov və Rusiya Liberal Demokrat partiyasının lideri Vladimir Jirinovski Ukrayna sərhədini keçdikləri zaman həbs olunacaqlar.
“Qafqazinfo” İnterfax-a istinadən xəbər verir ki, bu barədə Ukrayna daxili işlər nazirinin məsləhətçisi Zoryan Şkiryak məlumat verib.
“Daxili İşlər Nazirliyi onların tutulub məhkəməyə təhvil verilməsi üçün mümkün olan bütün variantlara əl atacaq”-deyə o, Kiyevdə keçirdiyi brifinqdə bildirib.
Nazirliyin saytında yerləşdirilən məlumatlara görə, adıçəkilən siyasətçilər Ukrayna konstitusiyası tərəfindən müəyyən edilmiş sərhədlərin dəyişdirilməsi istiqamətində pul əməliyyatlarında iştirak ediblər. Bu, isə məlum arzuolunmayan nəticələrə gətirib çıxarıb.
Sözügedən ittihamlara görə Zuqanov və Jirinovskini 10 ilə qədər azadlıqdan məhrumetmə cəzası gözləyə bilər.
Xəbərdən istifadə edərkən istinad etmək vacibdir.
