İŞİD-lə döyüşmək üçün İraqa gedən PKK üzvləri əllərində Amerika istehsalı olan silahlarla görüntülənib.

Axar.az xəbər verir ki, İŞİD-in Mosulun ardınca ələ keçirdiyi Sincar bölgəsində yezidi kürdlərə qarşı törətdiyi qətliamlara qarşılıq olaraq Qəndil dağından Şenqal Dağına göndərilən və Səddam Hüseynin dövründən qalan polis bölmələrinə yerləşən PKK üzvlərinin fotoları DHA tərəfindən yayımlanıb.

Nümayiş olunan fotoşəkillərdə PKK üzvlərinin Amerika istehsalı olan M-16 tipli silahlardan istifadə etdiyi açıq-aşkar görünür.

Qeyd edək ki, bir neçə il öncə də PKK-nın bu silahlardan yararlandığı və Türkiyənin prezidenti Abdullah Gülün Amerikadan rəsmi olaraq açıqlama tələb etdiyi bildirilmişdi.