Suriya və İraq ərazisinin bir hissəsini ələ keçirmiş "İraq və Şam İslam Dövləti" (İŞİD) terror təşkilatının mənsubları arasında övladlarının "cihadçı" fotolarını çəkənlərin sayı artır.
Suriya ilə İraqda çəkilən bu fotolar "İŞİD-in cihad uşaqları" adlanır.
Milli.Az Daily Mail-ə istinadən bildirir ki, balaca uşaqlar, hətta südəmər körpələr İŞİD-in bayrağı, avtomat, əl qumbaralarının fonunda çəkilir.
Həmin fotolar sonradan Twitter və İnstagram-da "#IS" heşteqi ilə yayılır.
Fotolardan birində 7 yaşlı oğlan əlində kəsilmiş başı tutaraq kameraya baxır.
Kəsik baş İraqda İŞİD-in edam etdiyi qurbanlarından biridir.
Suriyada İŞİD mənsubu Xaled Şərruf 7 yaşlı oğlunun kəsik başla çəkdirdiyi fotosu ilə fəxr etdiyini deyib.
Xəbərdən istifadə edərkən istinad etmək vacibdir.
