Ermənistanın "Milli Müqəddəratı Təyin Etmə" hərəkatının başçısı, sabiq prezidentliyə namizəd Paryur Ayrikyan sentyabrın 7-də prezident iqamətgahı qarşısında aclığa başlayacaq. 

ANS PRESS-in məlumatına görə, bu barədə Ayrikyan erməni mətbuatına açıqlama verib.

Ayrikyan bu aksiya ilə prezident Serj Sarkisyana onun kimi insanın çoxdan istefa verməli olduğunu bildirmək istədiyini deyib. 

Ayrikyananın sözlərinə görə, Sarkisyan istefa verməyincə aclığı dayandırmayacaq. Əks təqdirdə o "ənənəvi erməni nizamı"nda aksiyanı davam edəcək. "Ənənəvi erməni nizamı"nın nə olduğu barədə Ayrıkyan danışmayıb.

Sentyabrın 8-də İrəvandakı Azadlıq meydanında hərəkatın mitinqi keçiriləcək. Paryur Ayrikyanın mitinqdə çıxış edəcəyi bildirilir. 

Xatırladaq ki, hərəkat rəhbəri avqustun 14-də Ermənistan prezidentinə göndərdiyi məktubda Sarkisyanın istefasını tələb etmişdi.