Ukrayna sulahlı qüvvələri Donbass separatçılarına qarşı vuruşmaq üçün özüyeriyən "Pion” top kompleksi, tank və digər hərbi maşın göndərib.

 AzNews.az xəbər verir ki, bu haqda məlumatı Ukrayna müdafiə nazirliyinin mətbuat xidməti yayıb.

 Məlumatda deyilir ki, göndərilən hərbi maşınlar Ukraynanın şərqində döyüşlərdə iştirak edəcək.

 Qeyd edək ki, Ukrayna ordusu Donbassda vəziyyəti öz xeyirlərinə dəyişmək üçün əraziyə əlavə qoşun hissəsi də yeridib.

 Son gün separatçılarla baş verən qarşıdurmada 2 ukraynalı hərbçi həlak olub. Milli Qvardiyanın üzvləri separatçıları sıxışdırmaq üçün Yenakiyevo və Oktyabrsk yaşayış məntəqələrini atəşə tutub.