Hazırda bütün bəşəriyyət pandemiya statusu verilmiş qorxulu koronovirusla mübarizə aparır. Deyilənlərə görə, xəstəlik baş qaldırdığı Çində artıq tam nəzarətə götürülüb və böyük şəhərlərdə karantin rejimi yüngülləşdirilir.
Amma xəstəliyin mənbəyinin məhz Çin olması ictimaiyyət arasında hələ də müzakirə mövzusudur. Bu günlərdə sosial şəbəkələrdə maraqlı bir şəkil paylaşılıb. Şəkildə Rusiyada dərc olunan qəzetlərdən birində 2015-ci ilin noyabr ayında hazırda dünyanı ağuşuna alan virusun artıq elmə məlum olduğu iddia edilir. Qəzetdəki yazı dünyanın məşhur elmi internet resurslarından biri sayılan nature.com-a istinad edir.
NOCOMMENT.az sözügedən saytda qəzetdə bəhs olunan yazı ilə maraqlanaraq sözügedən məqaləni əldə edib. Doğrudan da, yazıda söhbət amerikalı bioloqların insanlıq üçün qorxulu olan koronovirusun bir növünün yetişdirdiklərindən gedir.
Yazıda bildirilir ki, yeni virus insana birbaşa yoluxmaqla onun ölümünə səbəb olmaq iqtidarındadır. Tədqiqatçılar Çində məskunlaşan nalabənzər yarasalarda rast gəlinən koronovirusun hibridi ilə eksperimentlər təşkil ediblər. Onlar yarasalardan götürülmüş SARS virusu ilə SHCO14 səthi zülalını calaq ediblər. Nəticədə insanın hüceyrəsində sürətlə və aktiv inkişaf etməyi bacaran virus-mutant əldə olunub. Tədqiqatçıların sözlərinə görə, virus ölümcül təhlükəli olduğu üçün lazımi instansiyaları xəbərdar ediblər.
Xəbərdən istifadə edərkən istinad etmək vacibdir.
