Koronavirusun (COVİD-19) yeni yayılma üsulu aşkarlanıb.
Xeberle.com xəbər verir ki, çinli alimlərin araşdırmasına görə, virus ayaqqabı altlıqlarında uzun müddət yaşaya bilir. Alimlər bildirir ki, bu yolla virus tibb işçiləri vasitəsilə xəstəxana və digər ərazilərə yayılır.
Araşdırma zamanı müəyyən olunub ki, tibb işçilərinin ayaqqabılarından götürülən nümunələrin yarısında virus aşkarlanıb. Ona görə tibb işçilərinin tez-tez ayaqqabılarını dezinfeksiya etməsi tövsiyə olunur.
Bundan başqa, alimlərin araşdırması zamanı aşkar olunub ki, virus səthlərdə, kompüter siçanlarında, zibil yeşiklərində və xəstə çarpayılarında da qalır. Həmçinin təhlükəli virus plastik və dəmir səthlərdə üç günə qədər yaşaya bilir.
Xəbərdən istifadə edərkən istinad etmək vacibdir.
