Gürcüstan iyulun 1-dən etibarən xarici turistlərin qəbuluna başlayacaq.
Xeberle.com xəbər verir ki, bu barədə Gürcüstanın Baş Naziri Georgi Qaxariya bildirib.
Onun sözlərinə görə, iyunun 15-dən ölkədə yerli turizm xidmətləri açılır, iyulun 1-dən isə Gürcüstan xarici turistləri qəbul etməyə hazır olacaq.
"Biz qonşu ölkələrlə təhlükəsiz dəhlizlərin yaradılması istiqamətində iş aparırıq, bu sahədə danışıqlara artıq başlanılıb. Gürcüstan xarici qonaqları qəbul etmək üçün sərhədlərini və infrastrukturunu açan ilk ölkələrdən biri olacaq", - deyə Baş Nazir əlavə edib.
Xəbərdən istifadə edərkən istinad etmək vacibdir.
