İran bir sıra ölkələrdən hərbi texnika və müdafiə silahlarının tədarükü ilə bağlı təkliflər alıb.
"RİA Novosti” bu barədə İranın Rusiyadakı səfiri Kazım Cəlalinin açıqlamasına istinadla xəbər yayıb.
Onun sözlərinə görə, rəsmi Tehran məhdudiyyətlərin qaldırılmasından sonra müəyyən addımlar atmağı planlaşdırır.
K.Cəlali xatırladıb ki, xüsusi rejim müddətində İranın Nüvə Proqramı üzrə Birgə Hərtərəfli Fəaliyyət Planı çərçivəsində silah tədarükü ilə bağlı razılaşdırılmış müddət 2020-ci ilin payızında başa çatır:
"Müdafiə ehtiyaclarını təmin etmək İranın qanuni haqqıdır. Məhdudiyyətlər bitdikdən sonra lazımi tədbirlər görüləcək. İndiyə qədər İrana hərbi texnika və müdafiə silahlarının təchizatı ilə bağlı təkliflər gəlib, lakin mövcud məhdudiyyətlər bu sahədə əməliyyatların aparılmasına imkan verməyib”.
Xəbərdən istifadə edərkən istinad etmək vacibdir.
