Ümumdünya Səhiyyə Təşkilatının (ÜST) mətbuat katibi Fadela Şaib ÜST-ün ABŞ prezidenti Donald Trampın təşkilatın maliyyələşdirilməsi ilə bağlı məktubuna cavab vermək niyyətində olduğunu açıqlayıb.
Xeberle.com xəbər verir ki, Fadela Şaib hazırda davam edən Ümumdünya Səhiyyə Assambleyasının sessiyası ilə məşğul olduqlarını deyərək, hələlik hec bir cavabın olmadığını söyləyib.
Şaibin sözlərinə görə, ÜST gün ərzində ABŞ başçısının məktubuna vaxt ayırmağa çalışacaq.
"Amma indi bütün diqqət Ümumdünya Səhiyyə Assambleyasının işini davam etdirməyə və ən yaxşı şəraitdə başa çatdırılmasına yönəldilib", deyə rəsmi nümayəndə vurğulayıb.
Xatırladaq ki, Tramp ÜST-ə ultimatum verib. O bildirib ki, əgər 30 gün ərzində ÜST ABŞ-ın tələb etdiyi islahatları aparmasa, o zaman Vaşinqton ÜST üçün maliyyəni tamamilə dayandıracaq və təşkilata üzvlüyünü yenidən nəzərdən keçirəcək.
Xəbərdən istifadə edərkən istinad etmək vacibdir.
