Böyük Britaniya sakini Stefani Mariam iki itinə Milad hədiyyələri almaq üçün iki min funt (üç min dollara yaxın) pul xərcləyib.

O, Harvi Mun və Konnu ləqəbli şpis cinsindən olan itlərə "Svarovski” daşları ilə bəzədilmiş xalta, iki gözəl çarpayı, eləcə də geyim, oyuncaqlar və başqa aksessuarlar alıb.

Mariam itlərin Milad bayramını çox sevdiklərini bildirib: "Biz öz şpislərimizə məhz nə istədiklərini veririk. Sevgi, qucaq, yemək və əlbəttə, bir qədər də dəbli əşyalar”.

Heyvanların sahibəsinin sözlərinə görə, o, özünə çox az pul xərcləyir.

Məlumatda deyilir ki, bu il qız öz itləri üçün təşkil etdiyi gecəyə 16 min dollara yaxın pul xərcləyib.

Stefani Mariam öz valideynləri ilə birlikdə yaşayır. Onlar 21 yaşlı övladlarının əyləncəsini dəstəkləyirlər. Mariam rəqs təlimatçısı işləyir. (trend.az)