Belarus prezidenti Aleksandr Lukaşenko bildirib ki, əgər ittifaq dövlətinin qərb sərhədlərinə qədər soxulsalar Minsk və Moskva birgə hərbi qruplaşmadan istifadə edəcək.
Xeberle.com xəbər verir ki, bu barədə Belta agentliyi məlumat yayıb. Lukaşenkonun sözlərinə görə, o, Rusiya Prezidenti Vladimir Putinlə bu barədə razılığa gəlib.
"İttifaq dövlətinin qərb sərhəddinə soxulmaq istəyən hər kəsi birgə sakitləşdirmək üçün Minskin və Moskvanın nə səsi, nə əli, nə də ayağı titrəyər".
Lukaşenko vurğulayıb ki, müvafiq addımları atmaqla Rusiya tək Belarusu qorumur, özünə olan təhdiddən müdafiə olunur.
Qeyd edək ki, Rusiya prezidenti Valdimir Putin bildirib ki, Lukaşenkonun xahişi ilə hüquq-mühafizə orqanlarının əməkdaşlarından ibarət ehtiyat yaradıb və vəziyyət nəzarətdən çıxmayana qədər ondan istifadə edilməyəcək.
Xəbərdən istifadə edərkən istinad etmək vacibdir.
