Belarus Prezidenti Aleksandr Lukaşenkonun Mətbuat Xidmətinə yaxın olan "Pul Pervoqo” teleqram kanalı Berlin və Varşava arasında rusiyalı müxalifətçi Aleksey Navalnının zəhərlənməsinin nəticələrinin saxtalaşdırılması müzakirə olunduğu telefon danışığının audioyazısını yayımlayıb.
Çarx "ONT” dövlət telekanalında nümayiş etdirilib.
Həmsöhbətlər ingilis dilində danışır və bir-birilərini Nik və Mayk adlandırırlar. Audioyazıda Berlin nümayəndəsi (Nik) Navalnı ilə bağlı materialların hazır olduğunu və Kansler Angela Merkelin administrasiyasına təqdim olunacağını deyir.
Buna cavab olaraq, "Varşava” (Mayk) zəhərlənmənin təsdiqlənib-təsdiqlənmədiyini soruşur, həmsöhbəti isə bunun o qədər də vacib olmadığını deyir: "Müharibə gedir. Müharibə zamanı hər cür üsul yaxşıdır”.
Söhbət iştirakçıları razılaşırlar ki, Rusiya Prezidenti Vladimir Putinin burnunu Belarus işlərinə soxmasından çəkindirmək lazımdır və ən effektiv üsul - onun başını Rusiyanın problemlərinə qarışdırmaqdır.
Xatırladaq ki, daha əvvəl bu səs yazısının mövcudluğu barədə Lukaşenko rusiyalı Baş Nazir Mixail Mişustinə bildirmişdi.(qafqazinfo.az)
Xəbərdən istifadə edərkən istinad etmək vacibdir.
