Hazırda bütün dünya səfil həyat sürən və eyni zamanda insanlara yardım edən Dobre Dobrev haqqında danışır. 

Dobrenin 99 yaşı var və o, həyatını insanlara yardım etməklə keçirir.

Gənclik dövründən bütün varidatını uşaq sığıncağına bağışlayan Dobre əslində rəssamdır və vaxtilə sənətində müəyyən irəliləyişlərə nail olub. Lakin sonradan buddizm dininə meyl edən Dobre əsl xoşbəxtliyi var- dövlətdə deyil, insanlara yaxşılıq etməkdə tapıb. 

Dobre Dobrev hər gün 25 km qət edərək, öz doğma kəndindən Bolqarıstanın paytaxtı Sofiyaya yollanır. Yol boyu o sədəqə yığır və topladığı pulla kimsəsiz uşaqlara himayədarlıq edir.

Xatırladaq ki, bütün ömrü boyu Dobre Dobrev 50 000 avro toplamağa nail olub və əldə olunan bütün məbləği müqəddəs kilsələrə və uşaq evlərinə xərcləyib.

Bolqarıstan dövlətinin qəyyumluqla bağlı təklifini rədd edən qoca Dobre, ömrünün son anlarına qədər küçədə yaşayacağı və kimsəsizlərə yardım edəcəyini bildirib.  (axar.az)