Malayziya Baş naziri Nacib Əbdül Rəzzaq ölkəsində selin gətirdiyi fəlakətlə bağlı ABŞ-da keçirdiyi məzuniyyətini yarımçıq qoyub.

Musson yağışlarının törətdiyi güclü sel və daşqınlar nəticəsində 103 min nəfər təxliyyə olunub. İnsanları təxliyyə olunan ştatlar əsasən bunlardır: Kelantan, Trenqanu, Paxanq və Perak. Təkcə Paxanq ştatından 35,7 min nəfər təxliyyə olunub. Fəlakətdən əziyyət çəkənlər arasında Kanada, Almaniya və Fransa vətəndaşları da var.

Nacib Əbdül Rəzzaqın Feysbuk səhifəsinin izləyiciləri isə dünən ölkənin bu durumunda onun ABŞ Prezidenti Barak Obama ilə qolf oynamasını kəskin tənqid ediblər. Məlumatda bildirilir ki, baş nazir məzuniyyətini yarımçıq qoyaraq, Malayziyaya bazar günü qayıdacaq və dərhal fəlakətdən daha çox ziyan çəkmiş Kelantan ştatına yola düşəcək. (axar.az)