Atlantik okeanında üçbucaq şəklində olan Bermud adaları, gəmilərin və təyyarələrin itdiyi bir nöqtə olaraq daima insanların marağına səbəb olub. Təxminən 1000-ə yaxın təyyarə və gəminin yoxa çıxdığı bu yer ötən əsrin ortalarında daha çox diqqəti cəlb etməyə başladı. Ən inanılmaz hadisə isə 1945-ci ildə baş vermişdir. Belə ki, 5  döyüş təyyarəsi Floridadan havaya qalxdıqdan sonra Bermud adalarında yoxa çıxdı. Təcili olaraq həmin adaya kömək üçün göndərilən  təyyarələr də 13 ekipaj üzvü ilə birlikdə yoxa çıxıblar.

Bu naməlum hadisələrdən sonra Bermud üçbucağı ilə bağlı bir çox nəzəriyyələr ortaya çıxarıldı. Bu günə qədər isə təyyarələri, gəmiləri yadplanetlilərin qaçırdığı başlıca nəzəriyyə olaraq qalmaqda idi. SİA-nın xarici mətbuata istinadən verdiyi xəbərə görə, son dövrlərdə aparılan araşdırmalardan sonra bəlli olub ki, bölgədə çox zəngin qaz yataqları mövcuddur. Adıçəkilən ərazidə okeanın dərin qatlarının istiləşməsi nəticəsində müxtəlif qazlar dəniz səthinə çıxır ki, bunun da nəticəsində geniş bir girdab meydana gəlir. Su səthindən qalxan qazlar havaya qatılır və atmosferdə daha az sıxlığa sahib olduqlarından təyyarələr kifayət qədər sürtünməyə malik olmur. Bunun da nəticəsində təyyarələr hərəkət üçün lazım olan miqdarda oksigeni mühərriklərə ötürə bilmir və məcburən okeana düşür. Bu zaman su səthində  nə varsa vakuumun təsiri ilə okeanın dibinə doğru çəkilir və yoxa çıxır.