Keçən həftə sonu İndoneziyadan Sinqapura gedərkən Yava dənizi üzərində qəzaya uğrayan "AirAsia” hava yollarına məxsus "Airbus” - A320-200 tipli sərnişin təyyarəsi ilə əlaqədar fərqli sui-qəsd nəzəriyyələri ortaya atılır. Nəzəriyyələrdən ən maraqlısı, təyyarənin içərisindəki 155 sərnişin və 7 ekipaj üzvü ilə birlikdə, Atlantik okeanındakı məşhur "Bermud Üçbucağı”na bənzər bir bölgənin qurbanı olması ilə bağlıdır. Belə ki, bəzi mütəxəssislər "AirAsia” təyyarəsinin qəzaya uğradığı bölgədə illərdir çox sayda təyyarə və gəmi qəzası yaşandığını qeyd ediblər. Mütəxəssislərin fikrincə, qəzanın yaşandığı nöqtə, bu bölgədə yaşayan insanlar tərəfindən "əjdaha üçbucağı” adlandırılır.

Qeyd edək ki, Atlantik okeanındakı məşhur "Bermud Üçbucağına” bənzədilən bölgədə, son 30 ildə ən azı 5 böyük təyyarə qəzası baş verib. Bu təyyarələrdən bir çoxunun dağıntısının tapılmaması nəzəriyyəçilərin "ikinci bermud üçbucağı” iddialarını gücləndirir.  (sia.az)