İraqın şimalında alçaqcasına şəhid edilən qardaşlarımıza Allahdan rəhmət diləyirəm. Bu qardaşlarımızın bir qismi 5 ay, digərləri 6 ay terroçuların əllərində girov olub.
Xeberle.com xəbər verir ki, bunu Türkiyə Prezidenti Rəcəb Tayyib Ərdoğan deyib.
"Həmin gündən bəri onları terroçuların, alçaqların əlindən qurtamağın yollarını axtardıq, çox çalışdıq, sonda əməliyyat həyata keçirdiyimiz gecə qardaşlarımızı qurtamaq istədik", -deyə Ərdoğan vurğulayıb ki, əməliyyat zamanı mağaralarda 42 terrorçu məhv edilib.
"Qərb istər anlasın, istər anlamasın, ABŞ-ın açıqlaması var, "evlərə şənlik”. Hanı, bəs terroçuların, PKK-nın, YPG-nın yanında deyildiniz, bal kimi də yanında və arxasındasınız. Təəssüf ki, bunu əvvəldən gördük. Şimali İraqa minlərlə TIR tank, döyüş sursatları göndərdilər və bizim təhlükəsizlik güclərimiz onlarla döyüşdü. Biz sizinlə NATO-da birlikdəyiksə, səmimi davranıb, terrorçuların yanında yer almayacaqsınız, bizim yanımızda olacaqsınız. Şəhidlərimizin qanı yerdə qalmadı. 51 terroçu məhv edilib, 53-ü zərərsizləşdirilib. Türkiyə Ordusunun qarşısında dura biləcək nə terror təşkilatı, nə də güc vardır", - deyə Ərdoğan qeyd edib.
Xəbərdən istifadə edərkən istinad etmək vacibdir.
