"Biz insanıq”.

Azərbaycanlı tələbələr Fransada baş verən hadisələrə etirazlarını bildirib, terrora son qoyaraq insanları birliyə çağırıblar.

 Bakı Dövlət Universitetinin "Jurnalistika” fakültəsinin bir qrup tələbəsi bununla bağlı sosial çarx hazırlayıblar.

Videoda tələbələr ingilis dilində "Bədənləri məhv edə bilərlər, ancaq fikirlər heç vaxt məhv olmur”, "Sizdən kilometrlərlə uzaq olsaq da, ağrınızı bölüşürük”, "Biz insanıq”, "Biz terrora qarşıyıq”, fransız dilində isə "Biz sizin yanınızdayıq” kimi şüarlar səsləndiriblər. 

Xatırladaq ki, yanvarın 7-də Parisdə "Charlie Hebdo” satirik nəşrinin redaksiyasına silahlı hücum olub. Nəticədə 12 nəfər ölüb, 11 nəfər yaralanıb.