"Yaşılay – tütün və narkotik maddələrlə mübarizə birliyi” ictimai medianın insanlarda meydana gətirdiyi asılılığın FOMO (Fear of Missing Out) xəstəliyinə çevrildiyini bildirib.
Tibbdə FOMO kimi bilinən xəstəlik hadisələri qaçırma qorxusu olaraq xarakterizə edilir. İnternet vasitəsilə sosial şəbəkələrə yaranan asılılığın zamanla FOMO-ya çevrildiyi və bu xəstəliyin psixoloji pozğunluqlara yol açdığı bildirilir.
Amerika Psixiatriya Birliyinin üzərində araşdırma apardığı FOMO xəstəliyi təəccüb doğuran nəticələr verib. 11 və 55 yaş arası 1200 nəfər insan üzərində aparılan araşdırma 40 faiz insanda hər hansı bir hadisəni qaçırmaq qorxusunun olduğunu ortaya çıxarıb. Yaranan qorxu üzündən insanlar davamlı şəkildə ictimai mediadan istifadə etmə zərurətinin yarandığını hiss edir. Gündəmi qaçırma qorxusu isə onların davamlı şəkildə onlayn olmasına gətirib çıxarır.
"Yaşılay” birliyi ən çox asılılıq yaradan tətbiqlərin Tvitter, Feysbuk, Vatsap, Yutub, Quql məps, Forksveyə, İnstaqram, Kandi Kraş, Flipboard olduğunu açıqlayıb.
Qeyd edək ki, bu xəstəlikdən əziyyət çəkənlərin əksər hissəsi 15-34 yaş qrupunda olanlardır. (axar.az)
Xəbərdən istifadə edərkən istinad etmək vacibdir.
