İsrail hökuməti İranın nüvə silahı yarada biləcəyini istisna etməyib.
Xeberle.com xəbər verir ki, bu barədə "Voennoye Obozreniye" məlumat yayıb. belə ki, İsrail müdafiə naziri Beni Qantzın sözlərinə görə, İran tezliklə nüvə bombalarına sahib olacaq. Nazir hesab edir ki, ölkəsi mümkün hücuma hazırlaşmalıdır. Beni Qantz İsrail hərbçilərinin İranın nüvə obyektlərinin məhv edilməsi üçün xüsusi bir plan hazırladığına da aydınlıq gətirib. İsrail hərbi ekspertlərinin sözlərinə görə, Qantz hökumətə ordu üçün maliyyənin artırılması və yeni müdafiə texnologiyalarının inkişafı üçün əlavə vəsaitin yatırılmasının zərurəti barədə eyham vurub.
Analitiklər xatırladıblar ki, əvvəllər ÇAXAL komandanlığı ordunun inkişafı üçün təxminən 25 milyard şekel(İsrail pul vahidi-red.) tələb edib. Hazırda isə İsrail hökuməti İranın nüvə silahı yarada biləcəyini istisna etmir.
Xatırladaq ki, bir müddət öncə bir qrup amerikalı alim İranın bir və ya daha çox nüvə bombası istehsal etmək üçün kifayət qədər zənginləşdirilmiş urana sahib olacağını vurğulayan bir hesabat yayımlamışdı.
Xəbərdən istifadə edərkən istinad etmək vacibdir.
