"Rosoboronexport” şirkətinin rəhbəri Aleksandr Mixeyev avqust ayında Türkiyədə keçirilən IDEF 2021 silah sərgisi zamanı müəyyən uğurların əldə edildiyini qeyd edib.
Xeberle.com TASS-a istinadən xəbər verir ki, S-400 zenit-raket komplekslərinin tədarükünə dair Türkiyə ilə yeni müqavilə yaxın vaxtlarda imzalana bilər. Bu barədə bazar ertəsi "Armiya-2021" beynəlxalq hərbi-texniki forumu zamanı "Rosoboronexport”un (Rostecin bir hissəsi) baş direktoru Aleksandr Mixeyev məlumat verib.
"Məsləhətləşmələr son mərhələdə davam edir. Yaxın gələcəkdə tərəfdaşlarımızla müqavilə tərtib etməyə başlayacağıq" , - Mixeyev bildirib.
Onun sözlərinə görə, avqust ayında Türkiyədə keçirilən IDEF 2021 silah sərgisi zamanı müəyyən uğurlar əldə edilib. "Sərgi uğurla keçirildi, nümayəndə heyətimiz yaxşı bir araşdırma proqramı həyata keçirdi", - Mixeyev deyib.
Rusiya və Türkiyə 2017-ci ildə Moskvanın Ankaraya S-400 komplekslərini tədarük etməsi barədə razılıq əldə olunub. Türkiyə bu sistemləri Rusiyadan alan ilk NATO ölkəsidir. Ankaranın bu qərarı ABŞ -ın və bütövlükdə alyansın kəskin mənfi reaksiyasına səbəb olub.
S-400 Triumf Rusiyanın uzun və orta mənzilli zenit raket sistemidir. Güclü atəş və elektron əks-tədbirlər şəraitində hava hücumu və kəşfiyyat aktivlərini və digər hava hədəflərini məğlub etmək üçün istehsal olunub.
"Armiya-2021" beynəlxalq hərbi-texniki forumu avqustun 22-dən 28-dək Moskva viyayətinin Kubinka şəhərində keçirilir.
Xəbərdən istifadə edərkən istinad etmək vacibdir.
