"Əfqanıstanın paytaxtı Kabildə dünən törədilən terror hücumunu
lənətləyir və qınayırıq. Bu hücumlar "İŞİD” tərəfindən həyata
keçirilib".
Xeberle.com xəbər verir ki, bunu Türkiyə Prezidenti Rəcəb Tayyib Ərdoğan bildirib.
Onun sözlərinə görə, "İŞİD”in belə bir prosesdə bu addımı atması bölgədə
və dünyada nə dərəcədə təhlükəli olduğunu ortaya qoyur.
"20 il ərzində Əfqanıstan xalqının sülh və əmin-amanlığına əhəmiyyətli
töhfələr verdik. Əfqanıstanda prioritetimiz vətəndaşlarımızın
təxliyəsidir. Türk Silahlı Qüvvələri şəxsi heyətinin Əfqanıstandakı
təxliyəsi davam edir. Evakuasiyanı ən qısa zamanda tamamlayacağıq", -
Ərdoğan deyib.
Xəbərdən istifadə edərkən istinad etmək vacibdir.
