Ötən gecə Yerə nəhəng 2004 BL86 asteroidi yaxınlaşıb.
Çəkisi 157 milyon ton olan asteroid Yerdən 1,2 milyon kilometr aralıda idi. Bu məsafə Yerdən Aya qədər olan məsafədən 3 dəfə artıqdır.
2004 BL86 növbəti dəfə 200 il sonra Yerə bu qədər yaxınlaşacaq.
2004-cü ilin yanvarın 30-da aşkarlanmış sözügedən asteroid "Apollon qrupu"na şamil edilən səma cisimlərindəndir. 1862-ci ildə kəşf edilmiş Apollon asteroidinin adını daşıyan bu qrupda 2013-cü ilin fevralın 15-də Rusiyadakı Çebarkul gölünə düşmüş Çelyabinsk meteoriti də vardı.
Ötən il astrofiziklər yeni asteroidi aşkarlayıblar. Bu səma cisminin 2032-ci ildə Yerlə toqquşması istisna deyil.
(milli.az)
Xəbərdən istifadə edərkən istinad etmək vacibdir.
