Bakının Binəqədi rayonu ərzisində baş verən qətl hadisəsinin təfərrüatları bəlli olub. Rayonun Polis İdarəsindən Modern.az-a verilən məlumata görə hadisə gecə saat 21 radələrində "Vulkan” moteldə baş verib.
"Mətbuatda yazıldığı kimi bıçaqlanma hadisəsi baş verməyib. Sumqayıt sakini Afaq Şükürova moteldə asılmış vəziyyətdə tapılıb"-deyə Polis İdarəsindən qeyd edilib. Həmin qadının yüngül həyat tərzi keçirdiyi bildirilir. Onun özünü asdığı, yoxsa buna məcbur edildiyi istintaq araşdırmasından sonra bəlli olacaq.

Hazırda hadisəylə bağlı araşdrıma gedir.
***
Moteldə baş verən ölüm hadisəsinin faciəli məqamları da bəlli olub. Nəzərinizə çatdıraq ki, asılmış vəziyyətdə tapılan Afaq Şükürova ilə onun yanında olan şəxs yaxın qohumdur. Əvvəllər bir-birini sevən əmiqızı və əmioğlu bir neçə ildən sonra yenidən görüşüb. Qeyd edək ki, qadın əmisioğlunu sevməsinə baxmayaraq, başqasına ərə gedib.

Bir müddətdən sonra görüşən köhnə sevgililər "Vulkan” moteldə 15-16 şüşə müxtəlif növ içki qəbul etdikdən sonra yaxın münasibətdə olublar. Hadisədən sonra özünə gələn qadın etdiklərini özünə bağışlaya bilməyib və özünü asaraq intihar edib. Yanındakı kişi isə şüşə qırıqları ilə biləklərini kəsib. Əmioğlu polis orqanları tərəfindən saxlanılıb. Hazırda faktla bağlı araşdırma gedir.