Ölkənin hava yollarına məxsus təyyarələrin Türkiyə üzərindən uçmasına icazə verilməsi üçün Ermənistan hökuməti Ankara ilə danışıqlar apararır.
Xeberle.com xəbər verir ki, bu barədə Ermənistanın dövlət avişirkətinin direktor müavini Gevorq Xaçatryan məlumat verib.
O, Türkiyə təyyarələrinin Ermənistan üzərindən uçduğunu bildirib.
Ermənistan rəsmisi onu da qeyd edib ki, mart ayında Ermənistan təyyarələrinin Türkiyə üzərindən uçması üçün rəsmi Ankaraya müraciət etsə də, müsbət cavab ala bilməyib.
Xaçatryan bu məsələnin tezliklə həll olunacağına ümid etdiyini bildirib:
"Hazırda Türkiyə üzərində uçuşlar həyata keçirmirik. Ancaq bu istiqamətdə danışıqlar aparırıq və müsbət dəyişikliklər var".
Xəbərdən istifadə edərkən istinad etmək vacibdir.
