Cənubi Qafqaz regionunda iqtisadi və nəqliyyat əlaqələrinin bərpası üzrə üçtərəfli İşçi Qrup Rusiya, Azərbaycan və Ermənistan Baş nazirlərinin müavinləri səviyyəsində öz fəaliyyətini davam etdirir.
Xeberle.com xəbər verir ki, bu barədə Rusiya Xarici İşlər Nazirliyinin (XİN) Mətbuat və İnformasiya Departamentinin direktor müavini Aleksey Zaytsev bu gün keçirdiyi brifinqdə bildirib.
"Öz tərəfimizdən Bakı və İrəvanın qarşılıqlı məqbul sayılan paket razılaşmaya nail olunmaqla bağlı müsbət əhval-ruhiyyədə olduğunu qeyd edirik. Bu paket razılaşma perspektivdə birgə işi layihə əməkdaşlığı müstəvisinə keçirməyə imkan verəcək”, - Rusiya XİN-in nümayəndəsi qeyd edib.
Xəbərdən istifadə edərkən istinad etmək vacibdir.
