"Rusiyadan ixrac edilən ən populyar silahlar "Triumf S-400 ” zenit-raket kompleksləridir".
Xeberle.com xəbər verir ki, bunu Hərbi-Texniki Əməkdaşlıq üzrə Federal Xidmətin direktoru Dmitri Şuqayev deyib.
Onun sözlərinə görə, Rusiya istehsalı olan digər raket silahlarına da böyük tələbat var. Bunlardan "Pantsir C1” hava hücumundan müdafiə sistemi, tank əleyhinə "Kornet” kompleksi və "Smerç” raketdən müdafiə sistemlərinin adlarını qeyd etmək olar. Həmçinin, Rusiyanın bütün təyyarələrinə - qırıcılardan tutmuş yük təyyarələrinə qədər güclü tələbat var.
"Aviasiya ixracı Rusiyanın silah ixracının 50%-ni təşkil edir. Düşünürəm ki, yaxın 3-5 ildə sənayemiz hərbi-texniki əməkdaşlıq istiqamətində işi azaltmayacaq", - Şuqayev vurğulayıb.
Onun sözlərinə görə, pilotsuz təyyarələr və robotlar erasının başlaması ilə yerli hava hücumundan müdafiə sistemlərinə və elektron döyüş texnikasına tələbat artır.
Xatırladaq ki, daha əvvəl Rusiyanın müdafiə təyinatlı məhsullarının ixracı üzrə sifariş portfeli 52 milyard dolları ötməsi barədə məlumat verilib.
Xəbərdən istifadə edərkən istinad etmək vacibdir.
