Azərbaycanla sərhəddə Ermənistan ordusunun 1 hərbçisi ölüb, bir neçəsi isə yaralanıb.
Xeberle.com xəbərinə görə, bu barədə Ermənistan Müdafiə Nazirliyi məlumat yayıb.
Ölənlər və yaralananlar barədə daha dəqiq informasiyanın bir azdan veriləcəyi bildirilib, atışmanın dayandığı qeyd olunub.
Xatırladaq ki, Ermənistan silahlı qüvvələrinin bölmələri dövlət sərhədinin Basarkeçər rayonu ərazisində əlavə canlı qüvvə və döyüş texnikası cəmləşdirməklə növbəti təxribata əl atıb. Qarşı tərəf dekabrın 10-u saat 12:00-dan etibarən Kəlbəcər rayonu ərazisində yerləşən Azərbaycan Ordusunun mövqelərini atəş altında saxlamağa cəhd edib. Bölmələrimiz tərəfindən qısa müddət ərzində görülən cavab tədbirləri nəticəsində qarşı tərəf susdurularaq, onun təxribat xarakterli fəaliyyətləri dayandırılıb. Əməliyyat şəraiti bölmələrimizin nəzarəti altındadır.
Xəbərdən istifadə edərkən istinad etmək vacibdir.
