"Google Play” onlayn mağazasında "Apple Music” musiqi xidmətinin əlavəsi yaradılıb. 

İKT.lent.az-ın "3dnews.ru" saytına istinadən məlumatına görə, artıq "Android” əməliyyat bazasına malik smartfon, planşet və digər cihazların sahibləri bu əlavəni istifadə edə bilərlər.

iOS əməliyyat sistemlərinin istifadəçiləri kimi, onlar da 3 ay müddətində bu əlavədən pulsuz istifadə edə biləcəklər. Dördüncü aydan başlayaraq isə "Apple” musiqi xidmətinin qiyməti bir istifadə üçün 2,75 manat, ailəvi qeydiyyat üçün isə 4,39 manat təşkil edəcək. Bu çərçivədə bura 6 hesab əlavə etmək mümkün olacaq.

Xatırladaq ki, "Apple Music” bu il iyunun 30-dan iOS mobil əməliyyat sisteminin 8.4 yenilənməsi çıxandan etibarən istifadəyə verilib. Elə həmin gün xidmət "Windows” və "OS X” əməliyyat sistemləri üçün də yaradılıb. 

"Apple Music” - "Apple” şirkətinin musiqi xidmətidir. Burada istifadəçilərə müxtəlif janrlarda olan 30 milyondan çox kompozisiya təqdim olunur.