Minlərlə azərbaycanlıya eyni cavab verilib.

Ötən gecə ərzində minlərlə azərbaycanlı istifadəçi report göndərib.

Bizim təqdim etdiyimiz skrinşotlarda onların fəallığını görmək mümkündür.

Skrinşotlardan göründüyü kimi Facebook sosial şəbəkəsinin rəhbərliyi aşkar şəkildə erməniyönümlü mövqe tutub istifadəçilərin şikayətlərinə məhəl qoymur.

Lakin bu, əlimizin işdən soyumasına səbəb deyil. Axı söhbət sosial məkanda minlərlə istifadəçinin açdığı adi səhifədən getmir. Söhbət qondarma "Dağlıq Qarabağ Respublikası” "hakimiyyətinin” RƏSMİ QƏBUL EDİLMƏSİNdən gedir.     

Sosial şəbəkənin administrasiyası bu səhifəni rəsmi olaraq qəbul edib.

Məsələ ilə bağlı fikirlərini Oxu.Az-a şərh edən Azərbaycan DİN-nin mətbuat xidmətinin rəhbəri Hikmət Hacıyev öz növbəsində vətəndaş cəmiyyətini və diaspora təşkilatlarını bu məsələdə fəallıq göstərməyə və bu səhifənin bağlanmasına nail olmağa çağırdı.

"Azərbaycan Respublikasının ABŞ-dakı səfirliyinə və Los-Ancelesdə konsulluğuna lazımi tədbirləri həyata keçirmək üçün müvafiq göstərişlər veriləcək”, - Hacıyev deyib.

Eləcə də qeyd edək ki, Facebook qaydalarına uyğun olaraq verifikasiya – yəni rəsmi təsdiqi yalnız dünyada reallığı qəbul edilən və tanınan insanlar və strukturlar alır. Ona görə də qondarma "Dağlıq Qarabağ Respublikası”nın səhifəsinin saxlanılması Azərbaycanın ərazi bütövlüyünün kobud şəkildə pozulması deməkdir.

Oxucularımızı şikayətləri, administrasiyaya reportları göndərməkdə davam etməyə və bu məsələnin həllinə nail olmağa çağırırıq. (oxu.az)