Körpənin doğulması bir ailənin ən sevincli günlərindəndir. Amma bəziləri bu xoş günlərində taleyin ən acı zərbəsini dadırlar. Körpənin doğulan kimi həyatla vidalaşmasının ağrı-acısını izah etmək mümkün deyil. 
Doğuşdan sonra çəkilən fotolar dünyanın ən gözəl fotoları arasında yer alır. Adətən körpəsi doğulan ailələr bu xoş günlərini əbədiləşdirmək üçün fotoqraf xidmətindən istifadə edirlər. 
Amma bəzilərinin hekayəsi tam fərqlidir. Uşağını vaxtsız itirən ailələrdə onları xatırlamaq üçün bu xidmətə müraciət edirlər. "I Lay Me Down To Sleep" qazanc güdmədən ölü doğulan körpələrini xatıramaq istəyən valideynlər üçün çalışan bir təşkilatdır. 
Təşkiat 10 ilə yaxındır ki, bu işlə məşğuldur. Bu günə qədər onlar 30 min ailəyə kömək ediblər. 
Belə ailələrdən biri də ABŞ-da yaşayan 29 yşlı Riçard və 26 yaşlı Emili olub. Cütlük 9 ay qızlarının doğulacağı günü gözləyib. Lakin doğuşa bir neçə gün qalmış ən acı xəbərlə sarsılıblar. 
Ölü doğulan körpənin xatirəsini daima yaşatmaq üçün onu fotosessiya etdiriblər.  (anspress.com)