Bir neçə gün əvvəl Amerika jurnalı "Forbes” Almaniya Kansleri Anqela Merkeli ikinci dəfə dünyanın ən nüfuzlu qadını adına layiq görülüb.

Dünyanın ən nüfuzlu qadını barədə maraqlı məlumatları nəzərə çatdırırıq.

Anqela Merkelin yaşadığı evin ünvanı belədir: 10117 Berlin, Am Kupfergraben, 6. Onun mənzili dördüncü mərtəbədə yerləşir. Kanslerin evinə baxmaq üçün Berlinə getmək lazım deyil, çünki onun evinin şəkli internetdə də var.

Anqela Merkel o qədər də zəngin deyil

2012-ci ilin may ayında son 12 il müddətində Anqela Merkelin maaşı ilk dəfə yüksəlib. Alman hökumətinin rəhbərliyində Merkel ildə təxminən 190 min avro qazanır. Bundan əlavə, ona xidmət haqqı üçün xüsusi ödəniş verilir. O, həmçinin, Alman Federal Məclisinin üzvü olduğundan, ümumilikdə, il ərzində 290 min avro qazanır. Bununla da o vergi ödəmək məcburiyyətindədir. Lakin bütün vəzifəli şəxslər kimi Merkel təqaüd və işsizlik sığortası ödəmir. Bir sözlə, Anqela Merkel alman standartlarına görə, o qədər də zəngin deyil.

Xanım Merkel tətilini ən çox dağlarda keçirməyə üstünlük verir. Vaxtaşırı olaraq Berlin yaxınlığında olan bağını da ziyarət etməyi unutmur.

Audi A8-də gəzir, Airbus A340-da uçur

Bir çox nazirlər və federal dövlətlərin baş nazirləri "Mersedes” və ya BMV-yə üstünlük verirlər. Angela Merkel isə Audi A8-i seçib. Ötən il Almaniya Hökumət üzvlərinin uçduğu təyyarə dəyişdirilib. Bundan əvvəl Airbus A310 təyyarəsində uçan kansler hazırda Airbus A340 təyyarəsindən istifadə edir. Onu da qeyd edək ki, Merkel nə şəxsi yaxtaya, nə də dincəlmək üçün zəngin saraylara malikdir. (axar.az)