1929-cu ildə keçirilən ilk "Oskar” mükafatları mərasiminin bileti 5 dollar olub.

İlk "Oskar” mərasimində mükafatların verilməsi cəmi 15 dəqiqə çəkib.

1943-cü ildəki mükafatlandırma mərasimində "Xanım Miniver” filmindəki roluna görə ən yaxşı aktrisa nominasiyası üzrə "Oskar” alan Qrir Qarson 6 dəqiqəlik çıxış edir. Britaniyalı aktrisanın çıxışı bugünədək olan ən uzun "Oskar” nitqidir.

Britaniyalı aktyor, aparıcı və komediyaçı Ben Houp 19 dəfə "Oskar” mərasiminin aparıcısı olub.

"Oskar” heykəlciyinin uzunluğu 34.29 santimetrdir. "Oskar” heykəlciyinin ağırlığı 3.85554 kiloqramdır.

Bu il "Oskar”a namizəd olan filmlər arasında açılış həftəsində 89 milyon 269 min dollarla ən çox gəlir əldə edən film "Amerikalı snayper” filmidir.

"Mübtəlalıq” filmi bu il "Oskar”a namizəd olan filmlər arasında açılış həftəsində ən az gəlir əldə edən filmdir. Cəmi 719 min 740 dollar.

"Uşaqlıq” filminin çəkilişləri 12 il davam edib. "Vəhşi” filmində ana rolunda çəkilən Lora Dern və onun qızı rolunda çəkilən Riz Uizerspun arasında cəmi 9 yaş fərq var. Riz Uizerspun "Ən yaxşı aktrisa”, Lora Dern isə "Ən yaxşı ikinci plan qadın roluna görə” "Oskar”a namizəd idilər.

"Mübtəlalıq” filmi "Sundance” film festivalındakı premyerasından cəmi 10 həftə əvvəl çəkilib, montaj olunub və festivala təqdim edilib.

Animasiya filmləri kateqoriyası cəmi 14 ildir yaranıb.

Bu il 19-cu dəfə "Oskar”a namizəd olan amerikalı aktrisa Meril Strip mükafata ən çox namizəd olan aktrisadır və böyük ehtimal bu rekord hələ uzun illər onda olacaq.

"Ən yaxşı aktyor” nominasiyasına ən çox namizəd olan aktyor 12 namizədliklə Cek Nikolsondur.

1970-ci ildə peykdən yayımlanan "Oskar” mərasimi həmin gecə 43.3 faizlik reytinq yığmışdı.

"Oskar” tarixinin ən qısa filmi isə 1955-ci ildə rejissor Delbert Mannın çəkdiyi 91 dəqiqəlik "Marti” filmidir.

Vupi Qoldberq "Oskar” mərasiminin ilk qaradərili aparıcısıdır. Bu, 1993-cü ildə baş verib və xeyli söz-söhbətə səbəb olub. Ancaq buna baxmayaraq, Vupi Qoldberq ümumilikdə dörd dəfə "Oskar” mərasiminin aparıcısı olub.

Helli Berri "Ən yaxşı aktrisa” nominasiyasında "Oskar”a layiq görülən ilk qaradərili aktrisadır. Həmin il mərasimin 4 saat 23 dəqiqə davam etməsindən sonra Akademiya nitqlərin 45 saniyədən çox olmamasına dair qayda qəbul etdi.

Ceyms Kemeronun "Titanik” və Cozef Leo Mankeviçin "Yeva haqqında hər şey” filmləri 14 nominasiyada "Oskar”a namizəd olublar.

Ən çox "Oskar” alan şəxs Uolt Disneydir. 22 dəfə mükafata layiq görülən Uolt Disney 59 dəfə də mükafata namizəd olub.

Ən çox "Oskar” alan qadın Edit Heddir. Rəssam və geyim dizayneri olan Edit Hed geyim dizaynı nominasiyasında 8 "Oskar” alıb.

İrland əsilli britaniyalı aktyor Piter Otul 8 dəfə "Oskar”a namizəd olsa da, heç vaxt mükafatı qazana bilməyib. 

"Oskar” tarixinin ən uzun filmi 234 dəqiqəlik "Küləklə sovrulanlar” filmidir.

"Xarici dildə ən yaxşı film” nominasiyası üzrə ən çox "Oskar” alan ölkə İtaliyadır. İtaliyalılar 12 dəfə mükafata sahib olublar.

"Ən yaxşı film” nominasiyasında qalib gələn qadın rejissor Culiya Fillipsdir. Onun 1973-cü ildə çəkdiyi "Neştər” filmi sözügedən mükafata layiq görülüb.(kult.az)