Ermənistan əhalisinin sayı arzuolunmaz şəkildə azalıb.
Bu barədə ölkənin aparıcı qəzeti olan "Joğovurd” qəzeti məlumat yayıb. Bildirilir ki, vəziyyətin düzəlməsinə ümid də azdır.
"Bu ilin yanvar-fevral aylarında Ermənistanda nəinki doğulanların, hətta ümumilikdə əhalinin də sayı azalıb. Bizə verilən məlumata görə, əgər 2020-ci ilin yanvar-mart aylarında ölkədə doğulanların sayı 7483 idisə, 2021-ci ilin eyni dövründə bu rəqəm 8618 olmuşdu. Cari ilin müvafiq dövründə bu statistika dəyişdi, doğum sayı azalaraq 8098 nəfər təşkil etdi.
Ermənistanın əhalisi isə ötən il 2 milyon 961 min 600 nəfər olub. İl ərzində əhalinin sayı 2300 nəfər azalıb. Bundan başqa, bir il ərzində ölü doğulanların sayı 124-dən 96-ya düşüb”, - məqalədə yazılıb.
Xəbərdən istifadə edərkən istinad etmək vacibdir.
