Türkiyə prezidenti Rəcəb Tayyib Ərdoğan Kübra Güran Yiğitbaşı Afyonun valisi təyin edib.
Xeberle.com xəbər verir ki, Kübra Güran Yiğitbaşı Türkiyənin ilk hicablı valisi olub.
Kübra Güran Yiğitbaşı bu təyinatadək ailə və sosial xidmətlər nazirinin müavini vəzifəsində işləyib.
Kübra Güren Yiğitbaşı sosial media hesabında prezident Rəcəb Tayyib Ərdoğana, daxili işlər naziri Süleyman Soyluya, ailə və sosial xidmətlər naziri Derya Yanığa təşəkkür edib.
Yeni vali Kübra Güren Yiğitbaşı 1975-ci ildə Ankarada anadan olub. Yiğitbaşı bakalavr təhsilini Ankara Universitetində alıb. Daha sonra magistr pilləsində oxuyub.
Yiğitbaşı Mərmərə Universitetindəki Ünsiyyət Fakültəsinin Jurnalistika Departamentində elmi işçi və müəllimdir. O, bakalavr və magistr səviyyələrində mühazirələr oxuyur.
Universitetdə dekan köməkçisi, Fakültə İdarə Heyətinin üzvü, Şöbə müdiri, Korporativ Kommunikasiyalar koordinatoru kimi inzibati vəzifələrdə çalışıb. Yiğitbaşı "Uşaq Nəşriyyatı və Təşviqat” adlı kitabın müəllifidir.
Evli və üç uşaq anası olan Kübra Güran Yiğitbaşı Afyon Kocatepe Universitetinin qurucu rektoru Şahabettin Yiğitbaşının gəlinidir.
Xəbərdən istifadə edərkən istinad etmək vacibdir.
