Hollandiyanın SİM kart şirkəti kəşfiyyat qurumlarının şəbəkəyə sızdığını etiraf edib.
Dünyanın ən böyük SİM kart istehsalçılarından "Gemalto” şirkəti ABŞ Milli Təhlükəsizlik Agentliyi və İngiltərə Rabitə və Kəşfiyyat Qurumunun (GCHQ) onların sistemlərinə daxil olmağa çalışdığını etiraf edib. 
"Rusiyanın Səsi” radiosunun məlumatına görə, şirkətdən verilən açıqlamada araşdırmalar nəticəsində hər iki qurum tərəfindən şirkətin sisteminə daxil olmaq istiqamətində cəhdləri müəyyən olunub. Açıqlamada o da qeyd olunub ki, sızma cəhdləri əsasən şirkətin daxili şəbəkəsinə olub, eyni zamanda şirkət SİM kartların parollarının ələ keçirilmədiyini bəyan edib. 
Eyni zamanda yayılan açıqlamada kiber hücum nəticəsində yalnız 2G mobil şəbəkələrinə daxil olma ehtimalının olduğu, 3G və 4G şəbəkələrinin bu cür hücumlara qarşı mühafizə altında olduğu vurğulanıb. Kəşfiyyat qurumlarının kiber hücumları zamanı digər şəbəkələr xəsarət almayıb. Eyni zamanda bir sıra hallarda kəşfiyyat qurumlarının müştərilərlə şəbəkə arasında əlaqəni qırmağa cəhdlər etdiyi qeyd olunub. 
Qeyd edək ki, "The Intercept” internet jurnalı ötən həftə ABŞ kəşfiyyatının sabiq agentli Edward Snowdenin 2010-cu ildə açıqladığı məlumatlarda da kəşfiyyat qurumlarının "Gemalto”nun şəbəkəsinə daxil olaraq telefon danışıqlarının gizliliyini təmin edən şifrələri ələ keçirdiyi qeyd olunurdu. Mərkəzi ofisi Hollandiyada yerləşən "Gemalto” şirkəti dünyada SİM kartlar və yeni nəsil kredit kartlarındakı miko-çiplər istehsal edir.  (musavat.com)