Ermənistanın baş naziri Nikol Paşinyan Şuşanik Nersisyanı Dövlət Gəlirləri Komitəsinin sədr müavini vəzifəsindən azad edib.
Xeberle.com xəbər verir ki, bu barədə yerli media məlumat yayıb.
Nersisyanın adı 2020-ci ilin aprelində baş verən "siqaret qalmaqalı" ilə daha çox hallanıb. Həmin vaxt məlumat yayılmışdı ki, Rusiya Federal Təhlükəsizlik Xidməti gömrük və sərhəd xidməti ilə birlikdə Krasnodarda Ermənistandan 40 ton siqaret daşıyan Fövqəladə Hallar Nazirliyinin yükünü saxlayıb. Daha sonra isə KİV-də Voronejdə külli miqdarda qanunsuz gətirilmiş erməni siqaretlərinin aşkarlanması ilə bağlı xəbər yayılmışdı. Şuşanik Nersisyanın bu olaylarda əli olduğunu bildirilirdi.
Xəbərdən istifadə edərkən istinad etmək vacibdir.
