Türkiyədə həftəlik yoluxma kəskin artıb.
Xeberle.com Türkiyə KİV-lərinə istinadən xəbər verir ki, 4-10 iyul tarixlərində həftəlik yoluxma statsitikasına əsasən, 117 min 95 yeni yoluxma aşkar edilib, 31 nəfər ölüb, sağalanların sayı isə 61 min 47 nəfər olub.
Türkiyədə ilk COVID-19 hadisəsinin aşkar edildiyi 2020-ci il martın 11-dən indiyədək yoluxmaların sayı 15 milyon 297 min 539-a yüksəlib, 99 min 88 nəfər dünyasını dəyişib.
İyunun 27-dən iyulun 3-dək aşkarlanan yoluxmaların sayı 57 min 113 olub. Müvafiq olaraq, əvvəlki həftə ilə müqayisədə yoluxanların sayı 60 min nəfər artıb.
Bu günə qədər tətbiq edilən peyvəndin ümumi miqdarı 148 milyon 117 min 265 dozaya çatıb.
Ən az 2 doza peyvənd qəbul edən 18 yaşdan yuxarı şəxslərin sayının ən yüksək olduğu 10 bölgə - Osmaniye, Ordu, Amasya, Muğla, Kırklareli, Çanaqqala, Əskişəhər, Balıkesir, Manisa və Zonguldakdır.
Xəbərdən istifadə edərkən istinad etmək vacibdir.
